85 yaşlı qadın öz dəfn mərasimində ayıldı
Gundem.info.az xəbər verir ki, bu barədə The Thaiger xəbər yayıb.
Hadisə fevralın 5-də Buri Ram əyalətinin Nankronq bölgəsində qeydə alınıb. Axşam saat 21:00 radələrində Şripxadunqun ailə üzvləri onun həyat əlamətləri göstərmədiyini aşkar edib. Qohumları artıq kömək edə bilməyəcəklərini düşünüb və təcili yardım xidmətinə zəng edərək ölüm faktının təsdiqlənməsini və cəsədin məbədə aparılmasını təşkil etmələrini istəyiblər.
Lakin 40 dəqiqə sonra yaşlı qadın qəfil ayağa qalxıb və ətrafında toplaşan ailə üzvləri və qonşularını görüb. Sonradan o, huşsuz vəziyyətdə olduğu zaman bir rahibin onun arxasınca gəzdiyini gördüyünü deyib. Hadisədən sonra Şripxadunqun uşaq kimi davranmağa başladığı, qucaqda gəzdirilməsini istədiyi və çoxlu şirniyyat yediyi bildirilib.
Qohumları bunun yaxşı karmanın nəticəsi olduğunu düşünərək evə rahib çağırıb və xüsusi şükranlıq ayini keçiriblər./BAKU.WS
