"Gəlin, məğlub olduğumuzu deməyək" - Erməni deputat
“Biz döyüşlərdə məğlub olduğumuz haqda danışmayacağıq”
AzVision.az erməni KİV-nə istinadən xəbər verir ki, bu barədə Ermənistan parlamentində təmsil olunun müxalif Milli Konqres Partiyası fraksiyasının rəhbəri Levon Zurabyan bildirib.
O, müxalifət liderlərini birliyə çağırıb: “İndi birləşmək hər şeydən önəmlidir. Bizdən öz vətənimizin məğlub olduğu haqda danışmağı gözləməyin. Bizi istəməyənlərə bu həzzi yaşatmayacağıq”, - deyə Zurabyan bildirib.
Onun sözlərinə görə, hazırki vəziyyətdə müxalifət arasında birlik vacibdir. Erməni deputat həmkarlarına səslənərək cəbhəki sonuncu döyüşlərdə Ermənistanın məğlub olması haqda çıxışlar etməməyi tövsiyə edib.
