"Forbes" 26 yaşlı Yusifin 8,9 milyard dolları olduğunu yazıb


Yusif Ələkbərov - "Lukoil"in prezidentinin oğlu


Rusiyanın ən varlı varislərinin adları açıqlanıb. ANS PRESS-in məlumatına görə, siyahını "Forbes" jurnalı hazırlayıb. Burada Azərbaycanın şimal qonşusunun milyarderlərinin övladlarına qoyacaqları miraslar, onların çoxmilyardlıq sərvətdəki payları müəyyən edilib.

ANS PRESS-in məlumatına görə, siyahının ilk pilləsində azərbaycanlı milyarder, "Lukoil"in prezidenti Vaqif Ələkbərovun yeganə oğlu Yusif qərarlaşıb. O, Rusiyalı milyarderlərin ən varlı varisləri siyahısına liderlik edir.

Yusif atasının bütün mirasına yeganə varis ola bilər. Bu sərvət isə nə az, nə çox düz 8,9 milyard dollardır. Y.Ələkbərovun 26 yaşı var.

"Forbes"in məlumatına görə, Yusif bir müddət öncə Alisa adlı sarışın qızla nikah mərasimindən foto paylaşıb. Onun iki diplomu var. İlk diplomu neft qaz səhasi üzrə alıb. İkincisi isə iqtisadiyyat və menecerlik üzrədir.



İkinci pillədə "Evroxim" şirkətinin sahibi Andrey Melniçenkonun övladı yer tutur. 4 yaşlı Taranın sərvəti 8,2 milyard dollardır.

Əslində ilk pillədə "Novateka" və "Sibura" şirkətlərinin sahibi olan milyarder Leonid Mixelsonun qızı Viktoriya olmalı idi. Onun atası bu il ən varlı rusiyalı siyahısına da liderlik edib. İş adamının sərvəti 14,4 milyard dollar qiymətləndirilir. Amma məlum olub ki, 60 yaşlı Leonid Mixelsonun ötən il oğlu dünyaya gəlib. Nəticədə o mirasını iki yerə bölməli olacaq. Onun hər övladına ata payından 7,2 milyard dollar düşür.

Əslində "Forbes"in bu siyahısını dəqiqi saymaq olmaz. Çünki siyahıda anacaq milyarderlərin övladları əsas götürülüb. Onların həyat yoldaşları, qeyri rəsmi ola biləcək övladları və ya başqa qohumları nəzərə alınmayıb.

Ən varlı varislərin ilk onluğuna "Alfa Qrup"un sahibi Aleksey Kuzmiçevanın oğlu (6,7), "Maqnit" şəbəkəsinin sahibi Serqey Qalitskonun qızı (5,7 ), Ural dağ-metal şirkətinin yaradıcısı İsgəndər Mahmudovun oğlu (4 ) və başqaları var.


323 dəfə oxundu