Acun İlıcalı "Kurtlar Vadisi"nin axırına çıxacaq - reytinq cədvəli
Uzun illərdir yayımlandığı gün reytinqlərdə birinciliyi əldən verməyən "Kurtlar Vadisi Pusu" serialının liderlik dövrü bitir.
Axşam.az-ın Türkiyə mətbuatına istinadən məlumatına görə, Acun İlıcalının rəhbəri olduğu TV8-də elə onun aparıcılığı ilə yayımlanan "Survivor" yarışması artıq bir neçə həftədir ki, reytinqdə birincidir. Dünən də "Kurtlar Vadisi"ni ikinciliyə məhkum edən Acunun bu siyasəti serialla bağlı streotipi qırıb.
Show TV-də yayımlanan "Asla vazkeçmem" serialı isə ən çox izlənən 20 proqram arasında üçüncü olub. "Kösəm sultan" serialı isə Total reytinqdə yerini stabil saxlayaraq 16-cı pillədə qərarlaşıb.
Tarixi ekran işi AB reytinqdə isə seriallar arasında lider olaraq "Survivor"dan sonra ən çox izlənilən ikinci proqram olub.
