Çempionlar Liqasında hansı komandalar 1/8 finala yüksəlib?
Çempionlar Liqasında 1/8 final mərhələsinə yüksələn 5 komandanın adı məlum olub. “Qafqazinfo” xəbər verir ki, qrup mərhələsinin IV turunun oyunlarından sonra 5 komanda növbəti mərhələyə vəsiqəni təmin edib. İlk oyun günündə A qrupunda “Arsenal” (İngiltərə) və PSJ (Fransa), D qrupunda isə “Atletiko” (İspaniya) və “Bavariya” (Almaniya) 1/8 final mərhələsinə yüksəlib.
Dünən keçirilən qarşılaşmalarda isə yalnız "Borussiya" növbəti mərhələyə vəsiqəni təmin edib. F qrupunda qərarlaşan Dortmund təmsilçisi buna "Sportinq"i məğlub etməklə nail olub. Digər vəsiqələrin sahibləri son iki turda məlum olacaq.
