Özəl klinikada rəzalət – Reanimasiyada rəqs etdilər – VİDEO
Özəl klinikada yaşanmış rəzil olayın gün üzünə çıxması diqqəti yenidən səhiyyə müəssisələrindəki ab-havaya yönəldib.
Moderator.az Türk mediasına istinadla bildirir ki, Antalyada bir özəl klinikada baş verən hadisə qardaş ölkədə əsl şok effekti yaradıb. Belə ki, klinikada xidmət göstərən tibbi işçiləri reanimasiya otağında, ağır xəstənin olmasına rəğmən, musiqi səsləndirərək əsl halay çəkiblər.
Başqa bir tibb bacısı isə bu səhnəni telefonla videoya çəkib. Klinika rəhbərliyi hadisədən xəbər tutduqdan və məsələ ictimailəşdikdən sonra halay gedən personal xidmətçilərini işdən çıxarıb. Araşdırma zamanı məlum olub ki, bu görüntülər 3 il əvvəl çəkilib. 23 dekabr 2013-cü il tarixdə çəkilən görüntülərdə əməliyyat xalatı geyinmiş tibb bacısı və xidmətçi halay çəkərək rəqs edirlər. Görüntülərin ortaya çıxmasının ardından bölgənin səhiyyə idarəsi araşdırmaya başlayıb.
