Arif Əsgərovun qohumu məhkəmə zalından azadlığa buraxıldı
Səbail Rayon Məhkəməsində dələduzluqda təqsirləndirilən Emil Hüseynovun barəsində seçilmiş həbs qətimkan tədbirinin ev dustaqlığı ilə əvəzlənməsi barədə verilən vəsatətə baxılıb.
APA-nın məlumatına görə, məhkəmə vəsatəti təmin edib. E. Hüseynovun barəsində ev dustaqlığı qətimkan tədbiri seçilib. O, məhkəmə zalından azadlığa buraxılıb.
Qeyd edək ki, E. Hüseynov Cinayət Məcəlləsinin 178.3.2-ci (dələduzluq, külli miqdarda törədildikdə) maddəsi ilə ittiham olunur. İttihama əsasən, E. Hüseynov dələduzluq etdikdən sonra ölkədən qaçıb. Onun barəsində İnterpol xətti ilə axtarış elan olunub və o, 2016-cı ildə Qazaxıstanda həbs olunub.
E. Hüseynov “Azərbaycan Dəmir Yolları” QSC-nin sabiq sədri Arif Əsgərovun baldızı oğludur.
