Bakıda 500 manata dovşan satılır - VİDEO
Bakıda 27 yaşlı gənc dovşan biznesi ilə özünə maşın və ev də alıb. Onun elə dovşanları var ki, iriliyi ilə kənardan diqqəti cəlb edir. Gundeminfo.az "Xəzər TV"yə istinadən xəbər verir ki, Babək Qəribov daha çox qeyri-adi dovşan sortları saxlayır.
Babək 10 ildir dovşan saxlamaqla məşğuldur. Dovşanların arasında eləsi var ki, nəhəngliyi ilə heyrətləndirir.
Babək dovşanları artırır və satır. Deyir ki, bəzi dovşanları ətini yemək üçün alırlar, bəzilərini isə sadəcə evdə saxlamaq üçün.
Nəhəng dovşanlar əsasən qarğıdalı, arpa, buğda, tum, quru yonca ilə qidalanır. İki cütünün qiyməti isə 500 manata yaxındır.
Babək deyir ki, dovşanlar ildə 4-5 dəfə balalayır. Hər dəfə 8-14 arası bala doğulur.
Hazırda onun təsərrüfatında 200-ə yaxın dovşan var.
