199 nömrəli avtobusdan şikayət var - VİDEO
“199 nömrəli marşrutda vəziyyət acınacaqlıdır”.
Bunu Cebhe.info-ya şikayətində sərnişin İlahə Ömərova deyib. O bildirib ki, problem daha çox axşamlar, hamı işdən çıxdıqdan sonra, saat 18:00-dan etibarən yaranır:
“Avtobusa minmək istəyənlərin sayı çox olur, minmək isə mümkün olmur. Qoca, cavan, tələbə hamı bu avtobusun əziyyətini çəkir. 20-30 dəqiqədən bir avtobus gəlir ki, o da dolu olur. Bəs insanlar evinə necə getsin?”
Şikayətçi həmçinin qeyd edib ki, 199 nömrəli avtobusun sürücüləri sərnişinlərə qarşı kobudluq edir:
“Qışqırırlar, normal davranmırlar. Arxa qapını açmırlar ki, insanlar heç olmasa, bir az rahat minsin”.
Məsələ ilə əlaqədar Bakı Nəqliyyat Agentliyindən münasibət öyrənmək istəsək də, cəhdimiz baş tutmadı.
