Oleq Bakinski qızına toy edir
Azərbaycanlı keçmiş kriminal avtoritet, Kiyev Azərbaycanlıları Konqresinin sədri “Oleq Bakinski” (Oleq Krapivin) qızına oktyabrın 12-də toy edəcək.
“Qafqzinfo”nun əldə etdiyi məlumata görə, toy mərasimi Kiyevdə "Fairmont" hotelində keçiriləcək.
Mərasimdə Azərbaycan, Ukrayna, Rusiya və MDB ölkələrindən olan nüfuzlu şəxslər iştirak edəcəklər.
Qeyd edək ki, “Bakinski” Şamaxı şəhərində dünyaya gəlib. O, Ukraynada ticarət mərkəzləri və bir çox daşınmaz əmlaklara sahibdir. Hələ 2014-cü ildə “Forbes” jurnalı onun sərvətini 84 milyon dollar miqdarında dəyərləndirib.
Məlumata görə, o, “Lotu Quli”nin Ukraynada rahat “fəaliyyət”inə şərait yaradan şəxslərdən biridir.
