Mikayıl Cabbarov vəd verdi - "müəllimlərin maaşı artacaq"
“Azərbaycanın 3 böyük şəhəri və 9 rayonunda müəllimlərin bilik və bacarıqlarının diaqnostik qiymətləndirmənin keçirilməsi üçün hazırlıq işləri başa çatmaq üzrədir”.
GUNDEMİNFO.AZ xəbər verir ki, bunu təhsil naziri Mikayıl Cabbarov deyib. Onun sözlərinə görə, əgər işlər qaydasında getsə, 2016-cı ilin yanvar ayından etibarən təxminən 40 faiz müəllimin əmək haqlarının artırılması planlaşdırılır.
Müəllimlərin peşəkarlıq səviyyəsinin yüksəldilməsinin əhəmiyyətindən danışan nazir deyib ki, bu peşə sahiblərinin maddi rifahının əhəmiyyətli şəkildə yaxşılaşdırılması əsas hədəfdir.
