Əmək pensiyaları ilə bağlı dinləmə keçiriləcək
Gundeminfo.az verir ki, bu barədə APA-ya Milli Məclisin Əmək və sosial siyasət komitəsinin sədri Musa Quliyev məlumat verib.
O qeyd edib ki, bu məsələ komitənin 2022-ci il yaz sessiyası üçün iş planına daxil edilib: “Pensiya islahatları Azərbaycanda uzun illərdir davam edir. Burada uğurlar da, müəyyən çətinliklər də var. Həmçinin, biz qarşıda duran perspektivləri müzakirə edəcəyik. Əmək və Əhalinin Sosial Müdafiəsi Nazirliyinin rəhbərliyi, mütəxəssisləri ilə birlikdə bu məsələlərlə bağlı birgə dinləmə keçirməyi nəzərdə tuturuq”.
Qeyd edək ki, Milli Məclisin Əmək və sosial siyasət komitəsinin iclası 26 yanvar 2022-ci ildə keçiriləcək.
