"Vaqner"in qiyamından sonra Rusiyada Ukrayna ilə danışıqları dəstəkləyənlər artıb

"Vaqner"in qiyamından sonra Rusiyada Ukrayna ilə danışıqları dəstəkləyənlər artıb
“Vaqner” Xüsusi Hərbi Şirkətinin silahlı qiyamından sonra Rusiyada Ukrayna ilə danışıqları dəstəkləyənlərin sayı artıb.

“Report” “Blomberq”ə istinadən xəbər verir ki, bu barədə müstəqil Levada Mərkəzinin keçirdiyi rəy sorğusunun nəticəsində məlum olub.

Bildirilib ki, danışıqları dəstəkləyən respondentlərin nisbəti əvvəlki ayla müqayisədə 8 faiz artaraq 53%-ə çatıb.

Hərbi əməliyyatların davam etdirilməsini isə cəmi 39 faiz respondent dəstəkləyib.

Sorğunun nəticəsinə əsasən rusların böyük əksəriyyəti müharibənin ən yaxın vaxtda bitməsini istəyir.

Xatırladaq ki, iyunun 24-də “Vaqner” Xüsusi Hərbi Şirkətinin başçısı Yevgeni Priqojin Rusiya hərbçilərinin “Vaqner” muzdlu hərbi təşkilatının arxa düşərgələrinə raket zərbələri endirdiyini, bir çox döyüşçünün öldüyünü açıqlayıb. O, bundan sonra Rusiyada qiyama başlayıb.

Elə həmin gün “Vaqner”çilər Rusiya Silahlı Qüvvələrinə məxsus qırıcı təyyarə və helikopterləri vurublar. Rusiya Prezidenti Vladimir Putin isə xalqa müraciətində mövcud hadisələri xəyanət kimi qiymətləndirib.

Məlumata görə, Y.Priqojin Belarus Prezidenti Aleksandr Lukaşenkonun hərbi hərəkətləri dayandırmaq və gərginliyi azaltmaqla bağlı təklifini qəbul edib.

Rusiya Federal Təhlükəsizlik Xidməti Yevgeni Priqojinə qarşı silahlı üsyana təhrik faktı üzrə cinayət işi açıb. İyunun 27-də isə Federal Təhlükəsizlik Xidməti silahlı qiyamla bağlı başlanmış cinayət işinə xitam verildiyini elan edib.



Twitter Facebook Myspace Stumbleupon Technorati blogger google
412 dəfə oxundu
 



XƏBƏR LENTİ
Loading...