Paşinyan Çinə səfər edəcək
APA xəbər verir ki, bu barədə Ermənistan hökumətinin mətbuat xidməti məlumat yayıb.
Avqustun 30-dan sentyabrın 3-dək davam edəcək səfər zamanı Nikol Paşinyan Şanxay Əməkdaşlıq Təşkilatının sammitinin "ŞƏT+" formatında iclasında və onun çərçivəsində keçirilən tədbirlərdə iştirak edəcək.
Ermənistan liderinin bir sıra yüksək səviyyəli görüşləri, o cümlədən Çin Xalq Respublikasının sədri Si Cinpin və ÇXR sədrinin müavini Han Çjenglə görüşləri planlaşdırılır.
Səfər zamanı Paşinyan əcnəbi həmkarları ilə ikitərəfli görüşlər də keçirəcək.
