İsrail Azərbaycana yeni dronlar satacaq
Yaxın günlərdə İsrail tərəfindən Azərbaycana yeni pilotsuz uçuş aparatlarının satışı planlaşdırılır.
AzVision.az erməni KİV-nə istinadən xəbər verir ki, bu barədə İsrailin Merets Partiyasının rəhbəri Zexava Qalonun bu ölkənin müdafiə naziri Moşe Yalona göndərdiyi etiraz məktubunda bildirilir. Qalon məktubunda müdafiə nazirini silah satışını dayandırmağa çağırıb: "Ermənistan və Azərbaycan İsrail üçün dost ölkələrdir. İsrail silahlarının Dağlıq Qarabağ müharibəsində tətbiq edilməsi qəbuledilməzdir”. Qalon vurğulayıb ki, Azərbaycan və İsrailin silah razılaşmalarının ümumi dəyəri 5 milyard dollar təşkil edir.
