Ohanyanı yenə parlamentə çağırdılar, qapalı müzakirə gedir

Ohanyanı yenə parlamentə çağırdılar, qapalı müzakirə gedir

Ermənistan parlamentində müdafiə naziri Seyran Ohanyanın və deputatların iştirakı ilə qapalı görüş keçirilir. Virtualaz.org Ermənistan KİV-lərinə istinadən xəbər verir ki, görüşdə müdafiə naziri təmas xəttindəki situasiyanı deputatlara çatdıracaq. Görüşdə parlamentin müdafiə məsələləri komitəsinin rəhbəri Koryun Nahapetyan, “İrs” partiyasından Tevan Poqosyan, “Daşnaksütun” fraksiyasından Armen Rüstəmyan, “Ermənistan Milli Konqresi” fraksiyasından Levon Zurabyan, vitse-spiker Eduard Şarmazanov və digərləri iştirak edir.

Parlamentdə müdafiə nazirinin iştirakı ilə qapalı toplantının keçirilməsi barədə müxaifətçi deputatlar Levon Zurabyan və Qrant Baqratyan tələb etmişdi. Keçmiş baş nazir Baqratyan demişdi ki, erməni ordusunun aprelin əvvəllərində gedən döyüşlərdə çoxsaylı itkilər verməsinin səbəbi Rusiyanın Azərbaycana satdığı silahlar deyil, Ermənistan ordusunun hələ də 80-ci illərin ratsiyalarını istifadə etməsi, gecəgörmə cihazları olmadığı üçün əsgərlərin axşam saat 8-dən sonra ətraflarını görməməsidir.

Daha sonra prezident Serj Sərkisyan hakim Respublika partiyasının parlament fraksiyasını təcili toplayaraq deputatlar danlamışdı. Sərkisyan bildirmişdi ki, “bəzi siyasi xadimlər” parlamentdə erməni ordusunun çoxsaylı itkiləri haqda danışanda hakim partiyadan olan deputatlar susublar və cəbhədəki real vəziyyət barədə danışıb məsələnin əslində nə yerdə olduğunu izah etməyiblər. Sərkisyan hədələmişdi ki, bu fəaliyyətsizliyə görə bəziləri tutduqları postları itirəcəklər.



Twitter Facebook Myspace Stumbleupon Technorati blogger google
838 dəfə oxundu
 



XƏBƏR LENTİ
Loading...