Suriyada rus hərbçilərə hücum: Ölən və yaralılar var
Suriyada avtomobilin partladılması nəticəsində Rusiyanın 4 hərbçisi ölüb, 2-si yaralanıb. AzVision.az TASS-a istinadən xəbər verir ki, bu barədə məlumatı Rusiyanın Müdafiə Nazirliyi yayıb. Məlumata əsasən hadisə fevralın 16-da baş verib. Hərbçilərin avtomobil karvanı Suriyanın Tiyas rayonundakı hava limanından Homs şəhərinə doğru hərəkət edərkən partlayış olub. Yaralı hərbçilər xəstəxanaya yerləşdirilib.
