Türkiyə Mərkəzi Bankı uçot dərəcəsini artıracaq - "Morgan Stanley"

Türkiyə Mərkəzi Bankı uçot dərəcəsini artıracaq -


Türkiyə Mərkəzi Bankının (TCMB) dünən açıqlanan inflyasiya göstəricisindən sonra dekabrın 14-də keçirəcəyi iclasda uçot dərəcəsini 0,75 faiz bəndi artıracağı gözlənilir. "Report"un "Bloomberg" agentliyinə istinadən verdiyi xəbərə görə, bu proqnozu ABŞ-ın "Morgan Stanley" bankının analitikləri verib.

İnflyasiyanın 12,98%-ə - son 14 ilin ən yüksək səviyyəsinə çatması TCMB-nin qarşısında növbəti iclasda 3 fərqli ssenari qoyub. Bunlardan birincisi, TCMB monetar siyasətdə heç bir dəyişiklik etməyəcək, tələbin yumşalması nəticəsində inflyasiyanın düşməsini gözləyəcək. Bankın əsasən üzərində durduğu ikinci ssenariyə əsasən, gec likvidlik pəncərəsi (hazırda 12,25%) 0,75 faiz bəndi artırılaraq digər monetar siyasət alətləri olan bir günlük maliyyələşmə və həftəlik repo faizləri sabit saxlanıla bilər. Ücüncü və ən real olmayan varianta görə isə, gec likvidlik pəncərəsi 2-3 faiz bəndi artırılacaq. "Morgan Stanley" qısamüddətli perspektivdə inflyasiyanın aşağı düşəcəyini proqnozlaşdırdığı üçün bu variantda real faizlərin yüksələcəyi gözlənilir ki, bank bu variantı az mümkün hesab edir.

Xatırladaq ki, dekabrın 12-13-də ABŞ Federal Ehtiyat Sisteminin (FED) də növbəti iclası keçiriləcək. İclasda uçot dərəcəsinin 0,25 faiz bəndi artırılması gözlənilir.

Twitter Facebook Myspace Stumbleupon Technorati blogger google
330 dəfə oxundu
 


XƏBƏR LENTİ
FOTOSESSİYA

Köşə
Qurd totemli türklər -
Yusif Alı Afşar - Fəlsəfə doktoru, dosent ...
Рейтинг@Mail.ru
Loading...