Avropaya getmək istəyən 64 miqrant Aralıq dənizində boğulub
Qeyri-leqal yolla Liviyadan Avropaya keçmək istəyən miqrantların batması ilə nəticələnən irimiqyaslı qəza baş verib.
APA-nın “Anadolu” agentliyinə istinadən verdiyi xəbərə görə, bu barədə Beynəlxalq Miqrasiya Təşkilatının məlumatında deyilir.
Məlumata əsasən, Aralıq dənizini rezin qayıqlarla keçməyə çalışan 86 nəfərin həyatını xilas etmək mümkün olub.
Beynəlxalq Miqrasiya təşkilatının hesablamalarına görə, 2017-cı ildə Avropaya 171 min miqrant daxil olub. Ötən il 3 mindən çox insan qeyri-qanuni yolla Avropaya keçməyə cəhd edərkən Aralıq dənizində həyatını itirib.
***
Liviya sahillərində miqrantları daşıyan gəmi batıb.
APA-nın AFP agentliyinə istinadən verdiyi xəbərə görə, hadisə zamanı gəmidə 150-dək miqrant olub.
Məlumata əsasən, qadın və azyaşlı uşaqlar daxil olmaqla azı 50 nəfər itkin düşüb.
