“Soyuq Müharibə” kabusu geri dönür - Tramp və Merkel Putindən narazılıq etdi
ABŞ prezidenti Donald Tramp və Almaniya kansleri Angela Merkel telefon danışığı keçirib. Modern.az Rusiya KİV-nə istinadən xəbər verir ki, danışıqlar zamanı tərəflər Putinin yeni hərbi siyasətindən narazılıq ediblər.
“Kansler və prezident Putinin yeni silahların yaradılması ilə bağlı çıxışını neqativ dəyərləndirərək bunun silahlara nəzarət sahəsində ciddi təhlükə yaradacğını bildiriblər”- deyə Almaniya hökumətinin mətbuat katibi Ştefan Zibert deyib.
Xatırladaq ki, martın 1-də Federal Məclisə müraciətində Putin Rusiyanın analoqu olmayan yeni silahlar hazırladığını və dünyadakı heç bir Hava Hücumundan Müdafiə Sisteminin bunun qarşısını ala bilməyəcəyini deyib.
