Rusiyada ticarət mərkəzində yanğın baş verib, 1 nəfər ölüb
Rusiyada daha bir ticarət mərkəzində yanğın baş verib.
APA-nın "RİA Novosti"yə istinadən verdiyi məlumata görə, yanğın Moskvanın şərqində “Persey” ticarət mərkəzində qeydə alınıb. Fövqəladə Hallar Nazirliyinin Moskva şəhəri üzrə Baş İdarəsinin rəhbəri İlya Denisov deyib ki, hadisə nəticəsində mərkəzin bir əməkdaşı ölüb. Onun sözlərinə görə, daha 3 xilasedici xəsarət alıb. Hadisə mərkəzin anbarında başlayıb. 100-dən çox şəxsin təxliyə olunduğu bildirilir.
Yanğın 80 kvadrat metr ərzini əhatə edib. Yanğının qarşısı tamamilə alınıb.
