Şimali Koreya lideri “xalq düşmənləri”ni əfv edəcək
Bu ilin avqustunda Şimali Koreyada Kim Çen In-ın amnistiya elan edəcəyi gözlənilir. Oxu.az xəbər verir ki, amnistiya sentyabrın 9-da qeyd olunacaq ölkənin yaradılmasının 70 illiyinə həsr olunacaq. Amnistiya ölkəyə və xalqa qarşı cinayət törədən şəxslərə aid ediləcək və avqustun 1-də başlayacaq.
Xatırladaq ki, sonuncu dəfə KXDR-də amnistiya 3 il əvvəl elan edilmişdi. O zaman bu, Koreya yarımadasının Yaponiyanın müstəmləkəçiliyindən azad edilməsinin 70 illiyinə həsr olunmuşdu.
