"Təhsil naziri üzr istəməlidir!" - Azərbaycanlı millət vəkili
Təhsil naziri üzr istəməlidir .
Axar.az xəbər verir ki, bu sözləri Güney Azərbaycanın Xoy şəhərinin İran parlamentindəki millət vəkili Tağı Kəbiri İranın Təhsil naziri Məhəmməd Bəthayinin İranda şagirdlərə qeyri-fars dillərində dərs keçməyin təhlükəli olduğu barədə dediyi sözlərə cavab olaraq deyib.
“Həssas bir nazirliyə rəhbərlik edən bir şəxsin ölçüsüz və qeyri-peşəkarcasına açıqlama verib, ana dillərinin tədrisinin qadağan olduğunu bildirməsi böyük təəssüf doğurur. İctimaiyyətin minimum gözləntisi təhsil nazirinin üzr istəməsidir”, - T.Kəbiri bildirib.
Qeyd edək ki, iyulun 14-də İranın Təhsil naziri Məhəmməd Bəthayi şagirdlərə qeyri-fars dillərində dərs keçməyin təhlükəli olduğunu, bu səbəbdən qadağan edildiyini bildirmişdi.
