Xamenei etirazlar haqda: Heç bir qələt edə bilməzlər!

İranın dini lideri, ayətullah Əli Xamenei son günlər rejimə qarşı keçirilən kütləvi etirazlara, ona qarşı səsləndirilən sərt şüarlara ilk dəfə reaksiya verib.

Axar.az xəbər verir ki, ali dini lider xaricdə yaşayan bir qrup mədəni fəalla görüşərək, ölkənin mövcud durumundan danışıb. Görüşə qatılan fəallardan biri ölkənin gələcəyindən və baş verən son olaylardan ciddi nigaran qaldıqlarını bildirib. Görüşdə ölkənin mövcud durumuna toxunan, son etirazlara eyham vuran Xamenei deyib ki, heç kəs rejimin sabahından nigaran qalmamalıdır:

“Ölkə sərhədlərindən kənarda yaşayan və fəaliyyət aparan inqilab tərəfdarları bizim hazırkı şərait və durumumuzdan narahat olmamalıdır. Onlar əmin olsunlar ki, heç kəs heç bir qələt edə bilməz. Bunda heç bir şübhəniz olmasın və bunu hamıya deyin”.

Xatırladaq ki, iyulun 31-də İranın ən azı 7 şəhərində ölkənin ağır iqtisadi durumuna, milli valyutanın dollar qarşısında dəyərini kəskin itirməsinə, işsizliyə, bahalığa, inflyasiyaya və ölkə rəsmilərinin səriştəsizliyinə qarşı ölkənin 15 şəhərində kütləvi etirazlar keçirilib.

1 nəfərin ölümü, onlarla insanın yaralanması və 100-dən çox etirazçının həbsi ilə nəticələnən kütləvi etirazlar, hazırda müvəqqəti olaraq dayandırılıb.

Twitter Facebook Myspace Stumbleupon Technorati blogger google
84 dəfə oxundu
 



XƏBƏR LENTİ
Loading...