"Rus qoşunları Ermənistanda olmasaydı..." - Müdafiə naziri Tonoyan
Rusiyanın Qafqaz regionunda kollektiv təhlükəsizlik çərçivəsində mövcudluğu hərbi fəaliyyətlərin yenilənməsinə, regional stabillik və təhlükəsizliyin qorunmasına şərait yaradır.
Virtualaz.org aysor.am-a istinadən bildirir ki, bunu Rusiyanın Ermənistandakı səfirliyində çıxışı zamanı Ermənistanın müdafiə naziri David Tonoyan deyib. Onun sözlərinə görə, Rusiyanın 102-ci hərbi bazasının şəxsi heyəti dəfələrlə qarşısına qoyulan hədəflərin icrasına vicdanlı münasibətini təsdiq edib.
Bu kontekstdə müdafiə naziri Ermənistan-Rusiya birgə qoşun qruplaşmasının yaradılmasına dair sazişin həyata keçirilməsinin vacibliyini vurğulayıb.
