Ermənistanın Meğri hərbi hissəsindən əsgərlərin qaçmasına səbəb olmuş, itaətsizlik çağırışı edən əsgərin Ermənistanın Müdafiə Nazirliyinin generallarından birinin oğlu olduğu bildirilir.

Avropa.info xəbər verir ki, bu haqda Ermənistan mətbuatı məlumat yayıb.

Ermənistan qəzetlərinin yazdığına görə, söhbət Ermənistan Müdafiə Nazirliyinin Milli Tədqiqat Universitetinin rəhbəri general-mayor Genadi Tavaratsyandan gedir.

G. Tavaratsyanın oğlunun başçılığı ilə Meğri hərbi hissəsində komandirlərin onları incitməsinə etiraz olaraq xidmət yerlərini tərk edən əsgərlər hərbi hissəni özbaşına tərk etdikdən sonra, cinayət aləminə öz sadiqliklərini nümayiş etdirmək üçün yürüş ediblər.

Qeyd edək ki, Ermənistan mətbuatında general G. Tavaratsyan hazırki vəzifəsinə təyin olunmasından sonra MMTU-da “Ermənistanın milli təhlükəsizliyinin maraqlarına əsaslanan” bütün strateji tədqiqatların icrasını dayandırdığı ilə bağlı yazılar dərc olunur.


567 dəfə oxundu