Pxenyandan tələb: Pompeo danışıqlardan çıxarılmalıdır
Şimali Koreya ABŞ-la danışıqlarda Dövlət katibi Mayk Pompeonun daha təcrübəli adamla əvəzlənməsini tələb edib. Axar.az xəbər verir ki, bu məlumat Şimali Koreya Xarici İşlər Nazirliyinin ABŞ Departamentinin direktoru Kvon Çon Qukun bəyanatında yer alıb. “Hanoy sammitinin təcrübəsi göstərdi ki, problemin nə olmasından asılı olmayaraq, Pompeonun ona müdaxiləsi işlərdə qarışıqlıq yaradacaq və nəticələri məhv edəcək. Ona görə də əgər Pompeo yenidən danışıqlara müdaxilə etsə, situasiya daha da çətinləşəcək”, - o, bəyanatında bildirib.
