Paşinyana küçədə ad günü “sürpriz”i: saxlanılanlar var
“Adekvad” ictimai təşkilatının üzvləri bu gün Ermənistanda baş nazir Nikol Paşinyanın fəaliyyətinə qarşı etiraz aksiyası keçiriblər.
İnterfaks xəbər verir ki, etirazçılar Yerevanın və digər 12 şəhərin mərkəzi küçələrində asfalta “#SutNikol” (“Yalançı Paşinyan”) heşteqi ilə qraffiti çəkiblər. “Bugünkü aksiyamızı Paşinyanın ad günü şərəfinə (baş nazir bu gün 44 yaşını qeyd edir – red.) “Yalanın dünyaya gəlişi” adlandırırıq”, - təşkilatçılar bildiriblər. Aksiyada 80 nəfər iştirak edib, onlardan 29-u saxlanılıb.
