Səudiyyə Ərəbistanında havanın hərarəti 55 dərəcəyə yüksəldi
Səudiyyə Ərəbistanında anomal istilər davam edir.
RİA “Novosti” xəbər verir ki, meteoroloq Həsən Kərani ölkənin şərqində, həmçinin qərb bölgəsinin bəzi məntəqələrində termometrlərin kölgədə 50 dərəcəyədək isti göstərdiyini qeyd edib.
Həmçinin sosial şəbəkə istifadəçiləri küçədə elektron monitorların gündüz vaxtı 55 dərəcə isti göstərdiyini əks etdirən fotolar paylaşırlar.
Eyni zamanda meteoroloji proqnozlarda ölkənin cənub-qərbində, o cümlədən Məkkə və Mədinədə yağışlı havaların, Qırmızı dəniz sahillərində isə bərk küləyin gözlənildiyi göstərilir.
