İranda Azərbaycan məntəqələrinə su qadağası – KƏNDLİLƏR AYAĞA QALXDI

İranda Azərbaycan məntəqələrinə su qadağası –
Əhər əhalisi su quyularının doldurulmasına etiraz olaraq məhsulları satmaqdan imtina ediblər, mitiqlərlər bağlı hazırlıqlara başlayıblar

İranın Azərbaycan şəhərlərində yerli icra hakimiyyəti ilə əhali arasında narazılıq pik həddə çatıb. JAMAZ.İNFO xəbər verir ki, Əhər şəhərindən başlayan problem artıq digər şəhərlərə yayılmağa başlayıb.

Belə ki, Əhər Şəhər Meriyası icazə alınmadan həyətlərdə və əkin sahələrində qazılmış su quyularının bağlanılmasına göstəriş verilib. Qısa müddətdə polisin iştirakı ilə təkcə bir Azərbaycan şəhərində 1200 quyuya baxış keçirilib və onlardan 850-si bağlanılıb. Nəticədə yüzlərlə ailə içməli suya, minlərlə hektar əkin sahəsi isə suvarma suya həsrət qalıb.

Yerli əhalidən gələn məlumatlarda deyilir ki, etiraz edən vətəndaşların həyətlərindəki və ya əkin sahələrindəki su quyularına beton tökərək, birdəfəlik bağlayırlar. Buna görə də, artıq etiraz aksiyası keçirilməsi üçün hazırlıqlara başlanılıb. İlk olaraq, Əhər ətrafı kəndlərin camaatı etiraz olaraq sahələrindəki məhsulları dövlətə satmaqdan imtina ediblər. Bunun ardından isə yaxın günlərdən etibarən Şəhər Meriyasının önündə müddətsiz etiraz aksiyalarına start verəcəklər.

Qeyd edək ki, İranda həyətyanı sahədə və ya əkin sahələrində su quyusunun qazılması üçün rəsmi dövlət rüsumu tələb olunur. Bir quyu üçün tələb olunan məbləğ 8500 manatdır. Əhər əhalisi də bu qədər pulu ödəmək gücündə deyil.

Əhər İcra Hakimiyyətinin kənd təəssərrüfatı şöbəsinin məsulu İsmayıl Əttarzadə yerli mətbuata bildirib ki, bu istiqamətdə görülən işlər davam edəcək. “İndiyə qədər ağzını bağladığımız quyuların sayəsində 11 milyon kub metr suyun icazəsiz istifadə olunmasının qarşısını almışıq. Proses bundan sonra da davam edəcək”.

Məlumata görə, proses təkcə Əhərlə bitməyəcək. Rəsmi qurumların məlumatına görə, yaxın vaxtlardan etibarən digər Azərbaycan şəhərlərində də analoji addımların atılmasına start veriləcək.

JAMAZ.İNFO xəbər verir ki, yerli ekspertlər baş verən hadisəyə təkcə su qadağası kimi yanaşmırlar. Onlar bildirirlər ki, bütün bunlar İranın mərkəzi hakimiyyətinin daxilində baş verən proseslərin təzahürüdür. Belə ki, Tehran hökumətinin daxilində indiki hakimiyyətlə yola getməyən qüvvələr bütün vasitələrdən istifadə edərək, Azərbaycan şəhərlərinin ayağa qalxmasına çalışırlar. Onların sözlərinə görə, daxildəki qruplaşmalardan biri mütəmadi olaraq bütün Azərbaycan şəhərlərində müxtəlif tipli narazılıqlar yaratmaqla, onların ayağa qalxmasını istəyirlər ki, bununla da istədiklərinə nail olmaq fikrindədirlər.



Twitter Facebook Myspace Stumbleupon Technorati blogger google
609 dəfə oxundu
 



XƏBƏR LENTİ
Loading...