HƏMAS raket atdı, İsrail dərhal əməliyyata başladı
İsrail hərbçiləri Qəzza zolağından atılan raketlərə cavab olaraq HƏMAS hərəkatının obyektlərinə zərbələr endirib.
Axar.az xəbər verir ki, bu barədə İsrail ordusu məlumat yayıb.
Məlumata görə, Sderot, Aşkelon və Qəzza ətrafı rayonunda hava hücumu ilə bağlı siqnalizasiya işə düşüb. İsrail hərbçiləri Fələstin tərəfindən iki raketin buraxıldığını qeydə alıb. Raketlərdən biri “Dəmir qübbə” sistemi ilə tutulub. Bundan sonra İsrail Ordusu HƏMAS-ın obyektlərinə zərbələr endirməyə başlayıb. Vurulan obyektlər arasında silah istehsalı mərkəzi də olub.
