İranda ölənlərin sayı 208-ə çatdı – Dəhşətli rəqəmlər
İrandakı etiraz aksiyalarında indiyə qədər 208 nəfər həlak olub.
Axar.az xəbər verir ki, bu məlumatı “Amnesti İnternəşinl” yayıb. Təşkilat etirazlarda qeydə alınan ilk qurbanlardan sonra ölkədə internetin fəaliyyətinin dayandırıldığını və nəticədə bu informasiyanı geniş auditoriyaya yaymağın mümkün olmadığını vurğulayıb.
Etiraz aksiyalarının ilk 4 günündə 100 nəfərin ölümünün qeydə alındığı bildirilib. Etiraz aksiyaları zamanı Tehran ostanının Şəhriyar şəhərində daha çox ölüm baş verib.
Etirazçılara qarşı su şırnaqları, gözyaşardıcı qaz və odlu silahlardan istifadə edilib. Üstəlik, etiraz aksiyalarının keçirildiyi ərazilərdə snayperlər də müşahidə edilib.
Etirazlarda ölənlərin qohumları KİV-ə danışmamaları üçün qorxudulub. Digər tərəfdən etirazlarda ölənlərin dəfn mərasiminin keçirilmədiyi də açıqlanıb.
Üstəlik, bəzi ailələrin etirazçıların cəsədlərini almaq üçün külli miqdarda vəsait ödədiyi qeyd edilib.
