İlon Mask bir saata 2.3 miyard dollar qazandı
Amerikanın "Tesla" avtomobil istehsalçısının rəhbəri İlon Mask bir saat ərzində 2.3 milyard dollar qazanıb.
Virtualaz.org bildirir ki, bu barədə Bloomberg xəbər verir.
Bu cür qazanc mənbəyi ona şirkətin gəlirinin artması və rekord tədarükü ilə bağlı hesabatlarda verilib.
Şirkət keçən ilin dördüncü rübü üçün hesabat yayımlaması fonunda Nyu- York Birjasında səhmlərinin dəyərini əvvəlcə 2.49 faiz artırıb, birja bağlandıqdan sonra 11.62 faiz artıraraq 648.5 dollara çatdırıb. Səhmlər üzrə qazanc 1,72 dollardan 2,14 dollara qədər artıb.
Mask “Tesla” şirkətinin 22 faizinə sahibdir. Sahibkarın sərvəti 36 milyard dollara çatıb, gündəlik “Bloomberg Billionaires Index”də 33,6 milyard olaraq qiymətləndirilir. Beləliklə, vəziyyət bu cür davam edərsə, Mask daha sonra 27-ci yerdən yuxarıya irəliləyə bilər.
Dördüncü rübdə “Tesla”nın gəliri 2 faiz artaraq, 7.38 milyard dollara çatıb və avtomobil tədarükü 112 min ədəd rekord səviyyəyə yüksəlib. Şirkətin hesabatında göstərildiyi kimi, 2019-cu il inkişafına dönüş nöqtəsi idi və gələcəkdə isə, zavodun daha da böyüməsi üçün Şanxayda işə salınması ilə əlaqələndiriləcək.
2020-ci ildə şirkət yarım milyondan çox avtomobil istehsal etmək niyyətindədir. Təchizat proqnozu keçən ilə nisbətən üçdə bir hissəsi qədər çoxdur. “Tesla”nın mövqeyinin sabitləşməsinə və son bir ildə səhmlərin ikiqat böyüməsinə baxmayaraq, dekabrın sonunda şirkətin borcu 13.42 milyard dollar olaraq qalır.
Yanvarın 29-na qədər “Christian Dior”, “Louis Vuitton”, “Givenchy”, “Guerlain”, “Chaumet”, “Moët & Chandon” və “Hennessy Bernard Arnault” markalarını idarə edən “LVMH” fransız holdinqinin rəhbəri Bernard Arnault sərvətini eyni olaraq 2.3 milyard dollar artırıb. "Forbes" in məlumatına görə, o, 108.1 milyard dollar dəyərində aktivləri ilə Avropada ən varlı adamdır.
