İspaniyada son sutkada 500-dən çox insan koronavirusdan ölüb

İspaniyada son sutkada 500-dən çox insan koronavirusdan ölüb

İspaniyada son bir gündə 523 nəfər koronavirusun qurbanı olub. “Report” xəbər verir ki, bu barədə İspaniya Səhiyyə Nazirliyi məlumat yayıb.

Bildirilib ki, bununla da krallıqda pandemiyadan ölənlərin sayı 18 579 nəfərə çatıb.

Məlumatda həmçinin vurğulanıb ki, son sutkada daha 5 092 nəfərdə koronavirus aşkarlanıb. Beləliklə, İspaniyada koronavirusa yoluxma faktlarının sayı 177 633-ə yüksəlib.

Bundan başqa, krallıqda bu günədək 70 853 nəfər infeksiyadan sağalıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 2 008 000-i ötüb. Bunların 486 247 nəfəri sağalıb, 127 147 nəfəri isə ölüb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.



Twitter Facebook Myspace Stumbleupon Technorati blogger google
484 dəfə oxundu
 



XƏBƏR LENTİ
Loading...