ABŞ-dakı milyarderlərin sərvəti 20% artıb
“Report” xarici mətbuata istinadən xəbər verir ki, bu barədə “Institute for Policy Studies” ve “Americans for Tax Fairness” adlı qurumların birdə açıqladığı hesabatda bildirilir.
Məlumata görə, son 3 ayda (18 mart-17 iyun) ABŞ-dakı milyarderlərin sərvəti 584 milyard ABŞ dolları və yaxud 19,8% artaraq 3,5 trilyon ABŞ dollarına yüksəlib. O cümlədən ABŞ-ın 5 ən zəngin insanı Ceff Bezos, Bill Geyts, Mark Zukerberq, Uorren Baffet və Leri Ellisonun sərvəti 26% və yaxud 101,7 milyard ABŞ dolları artıb. Artımın əhəmiyyətli hissəsi fond birjalarındakı yüksəlişdən qaynaqlanır.
Hesabat dövründə ölkədəki milyarderlərin sayı isə 29 nəfər və yaxud 4,7% artaraq 643-ə çatıb.
