"Səba"nın kimə satıldığı bilindi - Rüstəmovun qohumlarının şirkətdəki payı nə qədər idi?
Qeyd edək ki, mediada yayılan xəbərlrə görə, Mərkəzi Bankın İdarə Heyətinin sədri Elman Rüstəmovun "sağ əli” adlandırılan Natiq Quliyevin onun çoxsaylı bizneslərinin idarəçisi olmaqla yanaşı, "Bank Respublika” ASC-nin Müşahidə Şurasının üzvü, "Səba” ASC, "Biləsuvar Aqro”, "Qarabağ Taxıl” və "Bakı Sığorta” şirkətlərinin əsas səhmdarı kimi tanınıb.
Bir neçə il əvvəl isə o, öz ad günü ilə bağlı qalmaqallı hadisə ilə gündəmə gəlmişdi. Belə ki, Natiq Quliyev ad günü ilə əlaqədar sosial şəbəkələrdə bir neçə gün təbrik və tərif "yağışına” tutulmuşdu. O zaman bu cür pafoslu təbrik və təriflərin Natiq Quliyevin göstərişi ilə onun rəhbərliyi altında olan şirkət və müəssisələrdə müxtəlif vəzifələrdə çalışanlar tərəfindən yazıldığı qeyd ounurdu. Natiq Quliyev tabeçiliyində olan və işini itirmək istəməyənlər bu tapşırığa əməl etmiş, bir nəfər isə daha da irəli gedərək onu "Böyük Lider” adlandırmışdı.
Onu da qeyd edək ki, "Bank Respublika” ASC-nin əsas səhmdarlarından olan Natiq Quliyev qardaşları Elçin və Namiq Quliyevlə birlikdə Elman Rüstəmovun Azərbaycanda müxtəlif sahələrə aid biznesini idarə etdikləri də yayılan xəbərlər arasında idi. Bura Rüstəmova aid bəzi bank və şirkətlərlə yanaşı, maşın salonları, restoranlar, şadlıq evləri, quşçuluq təsərrüfatı və sair daxildir.
