“Azərenerji” prezidentinin qardaşı şirkətin nizamnamə kapitalını artırır

“Azərenerji” prezidentinin qardaşı şirkətin nizamnamə kapitalını artırır
Ölkənin aparıcı şirkətlərindən olan “Bakelektro” ASC nizamnamə kapitalını artırır.

Yeniavaz.com xəbər verir ki, nizamnamə kapitalının artırılması barədə qərar səhmdarların iyun ayının 22-də keçiriləcək iclasında qəbul ediləcək.

Məlumat üçün bildirək ki, “Bakelektro” ASC-nin rəhbəri “Azərenerji” Açıq Səhimdar Cəmiyyətinin prezidenti Rzayev Balababa (Baba) Hüseynağa oğlunun qardaşı Rzayev Emin Hüseynağa oğludur.

Emin Rzayevin qanuni təmsilçi olduğu “Bakelektro” ASC 04.03.1998-ci tarixində dövlət qeydiyyatına alınıb. Nizamnamə kapitalı 61 min 608 manat olan ASC-nin hüquqi ünvanı Nərimanov rayonu, Ziya Bünyadov, ev 625-də yerləşir.

Qeyd edək ki, daha əvvəl şirkətin hüquqi ünvanı Ziya Bünyadov, ev 11, məhəllə 2062-də yerləşirdi. Bu ünvanda “Azərenerji” prezidentinin digər qardaşı Rahib Rzayevin rəhbərlik etdiyi və 02.09.2003-cü il tarixində dövlət qeydiyyatına alınan "Göknur Bakı LTD" MMC-də yerləşir. "Göknur Bakı LTD" nizamnamə kapitalı 6 milyon 349 min manat təşkil edir.

Hər iki şirkət bugünə kimi dövlət qurumları tərəfindən keçirilən çoxsaylı tenderlərin qalibi olublar.

Twitter Facebook Myspace Stumbleupon Technorati blogger google
875 dəfə oxundu
 



XƏBƏR LENTİ
Loading...