DİQQƏT! "Azpulmat" yeni təhdid üsuluna əl atıb?
Bu gün xeyli insan mənə müraciət edib ki, onlara özünü dövlət qurumunun, məhkəmənin əməkdaşları kimi təqdim edən şəxslər tərəfindən zənglər gəlib. Özlərini "Məhkəməyə hazırlıq şöbəsinin" əməkdaşları kimi təqdim edən gənc xanımlardan istifadə edilir.
Azpulmata borcu olanlara zəng edirlər ki, 1 güqn ərzində kredit borcunuzu ödəməsəniz işiniz məhkəməyə veriləcək.
Gundeminfo.az xəbər verir ki, bu barədə iqtisadçı ekspert Razi Abasbəyli öz sosial şəbəkə hesabında məlumat paylaşıb. O daha sonra qeyd edib:
- Məhkəməyə verildikdə isə icra qərarı çıxarılacaq və məhkəmə xərcləri ilə yanaşı hər günə 7 faiz də hesablanacaq. Ta ki, siz cəriməni ödəyənə qədər.
Açığı bu məqqamı hüquqşünas dostlar yaxşı bilər.
Mənim bildiyim qədər borc üzrə öhdəlik məhkəmə qərarı ilə icraya yönəldilirsə, o zaman hər gün 7 faiz hesablanmır. Mövcud borc və məhkəmə rüsumu tutulmaqla borcludan məhkəmə qərarının hesablanması tələb olunur.
Lakin bu "Məhkəməyə hazırlıq idarəsinin" gənc işçiləri insanları məcbur edirlər ki, borcunuzu bir günə ödəməsəniz daha çox borclanacaqsınız.
Mən kredit öhdəliyi üzrə borcların hüquqi müstəvidə geri tələb olunmasına qarşı deyiləm.
Lakin bu təzə üsuldur və qanunsuzdur. Azpulmat ani kreditlər verərək insanları borclandırıb. Məsələn 50 azn ani kredit götürmüş insan 30 gün ərzində o pulu geri 65 manat olaraq ödməyibsə, 45 gün ərzində onun borcu daha 45 manat da artır. Bu da Mərkəzi Bankın qərarına ziddir.
Bir zamanlar sığorta şirkətlərinin əməkdaşları durmadan avtomobil sahiblərinə müraciət edirdilər. Onların telefon zəngləri qanunsuz deyildi.
Amma bu məhkəməyə 100 manata görə müraciət etməyən Azpul MMC-nin (Azpulmat) kimlərləsə anlaşaraq borcluluların siyahısını onlara təqdim etməsi və Məhkəmə adından, qanunsuz olaraq insanları borcunu ödəməyə məcbur etmək artıq dələduzluq hesab edilməlidir.
Konkret olaraq özünü Nərimanov Rayon Məhkəməsinin əməkdaşı kimi təqdim edən Surəyya adlı xanım israrla iş yerini soruşduqda "mənə deyiblər özünü belə təqdim et" cavabını verib.
Güman edirəm ki, bu hüquq şirkətinin əməkdaşının nömərsidir. Lakin gənc xanım "bizə rəhbərlik deyib ki, özünüzü "Məhkəməyə hazırlıq idarəsinin" əməkdaşı kimi təqdim edin" də dedi.
Lakin nömrəni də araşdırdım. Getcontact-da nömrənin axtarışını bağlayıblar. Mobil nömrə olsa da Azpulmat kimi nəhəng problemli kreditləri olan bir şirkətin və ya onun hüquqi tərəfdaşının adı tapılmadı.
Yeri gəlmişkən əgər sizin Azpulmata 100 manat kredit borcunuz varca ödənişi 5 dəfəyə 20 AZN olaraq etdikdə hər dəfə sizdən 1 manat "xidmət haqqı" çıxılacaq. Bu da kifayət qədər şübhəli məqamdır. Niyə hər ödəniş zamanı 1 manat "xidmət haqqı" ödənilir?
Özünü Nərman Rayon Məhkəməsinin "Məhkəməyə hazırlıq şöbəsinin" əməkdaşı kimi təqdim edən nömrə isə budur - 010 256 10 33.
