Hansı icra başçısı Çovdarovun məhkəməsinə çağırılacaq?
Keçmiş Milli Təhlükəsizlik naziri Eldar Mahmudovun və hazırda məhkəməsi gedən komandasının məhkəmə prosessində birinciyə yaxın olan icra başçılarının siyahısı açıqlana bilər. Bizimxeber.az-a daxil olan bilgiyə görə, Eldar Mahmudov müxtəlif yollarla icra başçılarını öz nəzarətinə götürüb, onları belə demək mümkündürsə qoruyub. Zaman-zaman mətbuatda bu icra başçılarının Eldar Mahmudov komandasında olduğu yazılsa da, bu günə kimi hələ rəsmi qaydada təsdiqləınməyib.
Xatırlayırsınızsa, Salyanın icra başçısı Sevindik Hətəmovun Yardımlıda icra başçısı olduğu dönəmlərdə mətbuatda Mahmudov – Hətəmov əlaqələri barədə geniş məlumatlar verilmişdi. Hətta o zaman qeyd olunurdu ki, Sevindik Hətəmovla Eldar Mahmudovun 2 saatlıq müəmmalı görüşü də baş tutub. Bu barədə yazılanlara ciddi təpki verən icra başçısı daha sonra susmağa üstünlük vermişdi.
Bu günlərdə adı Mahmudovla biznes əlaqələrində çəkilən Mərdan Camalov da susdu. Bir kəlmə də olsun yazılanlara reaksiya vermədi. Hansı ki, o iddialar qarşısında susmaq qızıl deyil, əksinə…
Kürdəmirin icra başçısı Ceyhun Cəfərovun Eldar Mahmudov və Əli Abbasovla əlaqələri konkret olaraq faktlarla ortaya qoyuldu. Amma bu icra başçısı da susdu.
Bizimxeber.az-a daxil olan məlumata görə, Mahmudovun sağ əli sayılan Çovdarov bir neçə icra başçısını məhkəməyə ifadə verməyə dəvət etməyə mərcbur olub. Məlumata görə, Mahmudovla əlaqələrinə görə, bu icra başçıları məhkəməyə ifadə vermək üçün dəvət oluna bilər. Hər halda bu konkret məhkəmə istintaqına aid olan məsələdir.
Salyanın icra başçısı – Sevindik Hətəmov
Xətainin icra başçısı – Razim Məmmədov
Lerin icra başçısı – Rövşən Bağırov
Kürdəmirin icra başçısı – Ceyhun Cəfərov
Şirvanın icra başçısı – Yavər Camalov
Binəqədinin icra başçısı – Xaləddin İsgəndərov
Sumqayıtın icra başçısı – Zakir Fərəcov
Daha bir maraqlı məlumata görə, Ceyhun Cəfərovla, Yavər Camalovun yaxln günlərdə vəzifədən uzaqlaşdırılması gözlənilir.
