Daha bir tikinti şirkəti 9 ildir vətəndaşları aldadır - "Tamam" MTK-dan narazılıq
Gundeminfo.az-a Bakı şəhəri Şəfayət Mehtiyev küçəsi 1054-də “Tamam” şirkəti tərəfindən inşa edilmiş 18 mərtəbəli yaşayış kompleksinin sakinləri tərəfindən şikayət müracitəi daxil olub. Şikayətçilər Azərbaycan Respublikasının Prezidenti cənab İlham Əliyevə, Azərbaycan Respublikasının 1-ci Vitse-Prezidenti, xanım Mehriban Əliyevaya
Azərbaycan Respublikasının Dövlət Şəhərsalma və Arxitektura Komitəsinin sədri
cənab Samir Nuriyevə, Əmlak Məsələləri Üzrə Dövlət Komitəsinin sədri cənab Kərəm Həsənova, Bakı Şəhər İcra HakimiyyətiBaşçısının müavini cənab Eldar Əzizova, Bakı şəhər, Yasamal rayon İcra Hakimiyyətinin başçısı cənab Əziz Əzizova, Baş prokuror yanında Korrupsiyaya qarşı Mübarizə Baş İdarəsinin rəisi Cənab Kamran Əliyevə çüraciət ediblər.
Gundeminfo.az sakinlərin şikayətlərini olduğu kimi təqdim edir.
Hörmətli cənab Prezident!
Hörmətli Mehriban xanım!
Hörmətli cənablar!
Çıxılmaz vəziyyətdə qaldığımızdan Sizə müraciyyət etmək məcburiyyətindəyik.
Belə ki, 2009-cu ildən başlayaraq Bakı şəhəri, Yasamal rayonu, Şəfəyət Mehtiyev küçəsi 1054 ünvanında, “Tamam” şirkəti tərəfindən inşa edilmiş 18 mərtəbəli yaşayış kompleksində yaşayış müvcuddur. Hazırda yaşayış komleksində 320 mənzildən təxminən 300 də yaşayış vardır. Bu dövr ərzində mərhələli formada su, işıq, telefon və qaz xidmətləri müvafiq olaraq kodlaşdırılaraq vətəndaşların istifadəsinə verilib.
Lakin 9-cu ildir ki, mənzillərin Dövlət reyestrinə salınaraq özəlləşdirilməsi prosesi aparılmır. Bu isə öz növbəsində artıq ikinci Prezident seçkisi, referendumlar, qeydiyyata alınma, tibbi uçot, ərazi təhsil ocaqlarına qəbul və s. bu qəbldən olan məsələlərdə əsaslı əngəllər törədir. Yaşayış kompleksində müxtəlif təbəqədən insanlar yaşayır. Yaşayanlar arasında alimlər, müəllimlər, həkimlər, hüquq muhafizə orqanları əməkdaşları, mühəndislər, hərbiçilər, sahibkarlar, tələbələr və təqaüddçülər var. Dəfələrlə “Tamam” şirkətinin rəhbərliyinə müraciət etməyimizə baxmayaraq bu məsələ öz həllini tapmır. Problem qalmaqla yanaşı bu məsələyə şəffaf olaraq əsaslı aydınlıq gətirəndə yoxdur!!!
Müxtəlif fikirlər irəli sürülür. Bunlar arasında Bakı Şəhər İcra Hakimiyyəti qarşısında Mənzil Fondu öhtəliyinin yerinə yetirilməməsi səbəbi xüsusi vurğulanır. Hər bir halda problemin açıq aşkar həll olunmamasından sayı 1000 (mindən) çox vətəndaş əməlli başlı əziyyət çəkir.
Məlumat üçün qeyd etmək istərdik ki, yaranmış problemlə bağlı AR Prezidentinə, 1-ci Vitse-Prezident Mehriban xanıma və Bakı Şəhər İcra Hakimiyyətinə 15 aprel 2018-ci il tarixdə müraciət etmişdik. Bakı Şəhər İcra Hakimiyyəti Başçısının Aparat rəhbərinin 02.05.2018-ci il tarixli 1-304/2-091/2 saylı cavab məktubunda bildirmişdilər ki, Şəfayət Mehtiyev 1054 ünvanında inşa edilmiş 18-mərtəbəli yaşayış kompleksində mövcud sözügedən problemin həlli yalnız yaşayış kompleksinin sifarişçisinin (sahibkarının) vəzifə və öhdəliklərinə aiddir və bu prosedur AR-nın mövcud Şəhərsalma və Tikinti Məcəlləsinin tələbləri nəzərə alınmaqla yerinə yetirilməlidir. Bununla yanaşı bu məsələ ilə bağlı tikinti sifarışçisinə (sahibkara) müraciət etməyi, əks təqdirdə isə qarşımızda müqavilə öhdəliklərini yerinə yetirilməməsi üçün tikinti sifarışçisinə (sahibkara) qarşı qanunvericiliyin tələblərinə uyğün məhkəmə iddiasının qaldırılması tövsiyə olunmuşdur.
Qeyd olunanlardan müəyyən olunur ki, tikinti sifarışçısi (sahibkar) öhdəliklərini tək Ş.Mehtiyev küç. 1054 ünvanında inşa edilmiş 18-mərtəbəli yaşayış kompleksinin sakinləri qarşısında yox, eyni zamanda BŞİH-ti qarşısında da yerinə yetirməmişdir. Bununla yanaşı hazırki vəziyyətdə tikinti (sifarışçisi) sahibkar öhdəliklərin yerinə yetirilməsi iqtidarında olmamasını açıq aydın ifadə edir. Eyni zamanda xüsusi qeyd etmək istərdik ki, öhdəliklərin yerinə yetirilməməsinin tikini normativlərinə, tikinti tamamlama işlərinə və yaxud hər hansısa bir texniki-təhlükəsizilik qaydalarının təmin olunmamasına aidiyyəti yoxdur. Problem yalnız BŞİH qarşısında Mənzil Fondu öhdəliklərinin yerinə yetirilməməsindən irəli gəlir.
Hörmətli cənab Prezident,
Hörmətli Mehriban xanım,
Hörmətli Cənablar,
Yaranmış problemin “qapanmış dairə” prinsipi ilə uzadılması yuxarıda sadalanan sosial və həyat problemlərini getdikcə genişləndirir. Bununla yanaşı mənzillərin təkrar alqı-satqısı zamanı vergi ödəyicisi kimi, icbari sığorta, bank və bələdiyyə kimi hüquqi şəxslərlə münasibətləri və s. hərəkətləri iflic vəziyyətində saxlayır.
Qeyd olunnları nəzərə alaraq, Sizdən artıq dərəcədə xahiş edirik ki, illər boyu uzanan bu problemin aradan qaldırılması üçün məsələni öz nəzarətinizə götürəsiniz vətikinti (sifarışçisi) sahibkarın fəaliyyətinin və öhdəliklərinin (BŞİH qarşısında) yerinə yetirilməməsi səbəblərinin araşdırılmaması üçün aidiyyəti üzrə göstəriş verəsiniz.
Hörmətlə,
Bakı şəhəri Şəfayət Mehtiyev küçəsi 1054-də “Tamam” şirkəti tərəfindən inşa edilmiş 18 mərtəbəli yaşayış kompleksinin sakinlərinin imza vərəqələri əlavə olunur.
