Avropa İttifaqı prezidentin əfv sərəncamını alqışlayıb
Avropa İttifaqı (Aİ) prezident İlham Əliyevin Novruz bayramı ərəfəsində siyasi partiya nümayəndələri, qeyri-hökumət təşkilatları üzvləri, bloqqer və jurnalistlər də daxil olmaqla 400-dən çox məhbusu əfv etməsini alqışlayıb.
“Qafqazinfo” xəbər verir ki, bu barədə Aİ-nin Xarici əlaqələr və təhlükəsizlik siyasəti ofisinin mətbuat katibinin bəyanatında deyilir.
Bildirilib ki, Aİ Azərbaycanın üzərinə götürdüyü beynəlxalq öhdəliklərə uyğun olaraq gələcəkdə də analoji addımlar atacağını gözləyir:
“Aİ qarşılıqlı fəaliyyəti, eyni zamanda bu əlaqələrdə mühüm element sayılan insan haqları sferasında münasibətləri inkişaf etdirmək məqsədilə Azərbaycanla əməkdaşlığa davam edəcək”.
