Vilyam Hacıyev torpağımızı əlimizdən aldı - VİDEO
A.Allahverdiyev deyir ki, dəfələrlə rayon rəhbərinə müraciət etsə də onu dinləyən yoxdur. Vilyam Hacıyevin haqsızlığından cana doyan fermer, dövlət başçısına müraciət edir. "Mən dövlət başçımız Cənab İlham Əliyevdən xahiş edirəm bizə kömək etsin" deyə sakin müraciətində qeyd edir.
Xatırladaq ki, bir neçə gün əvvəl Biləsuvar rayon icra hakimiyyətinin başçısı Mahir Quliyev həbs edildikdən sonra rayondan bir ailə dövlətbaşçısına müraciət etmişdi.
Onlar müraqciətlərində qeyd edirdilər ki, Mahir Quliyev torpaqlarını əlindən alıb. Mediada bu informasiya yayıldıqdan sonra Dövlət Başçısı göstəriş verdi ki, bu məslə araşdırılsın. Ardından da rəsmi olaraq informasiya yayıldı ki, Prezidentin köməkçisi Anar Ələkbərov həmin ailəylə əlaqə saxlayıb.
Görünür Vilyam Hacıyev də Mahir Quliyevin yolunu gedərək rayon ərazisində fermerlərin torpaqlarını əllərindən alır.
Gundeminfo.az olaraq bildirək ki, bütün gün ərzində vətəndaşın müraciəti ilə bağlı İmişli İcra Hakimiyyətinə müraciət etsək də, heç bir nəticəsi olmadı. Bununla belə araşdırmalarımız davam edir və Vilyam Hacıyevin də mövqeyini dinləməyə hazırıq.
