Rabitə nazirinin birinci müavini - bir oliqarx - FOTOLAR
Gundeminfo.az xəbər verir ki, bu barədə tanınmış araşdırmaçı jurnalist Cavanşir Həsənli məlumat verib. Jurnalist yazır:
- Şirkət 2008-ci ilin iyun ayında Praqa Bələdiyyə Məhkəməsində qeydiyyatdan keçib, fəaliyyət sahəsinə mülk və digər daşınmaz əmlak növlərinin kirayəsi daxildir.
Əli Abdullayev şirkəti təsis etdiyi illərdə Dövlət Əmlak Komitəsində Hərracların Təşkili üzrə Auksion Mərkəzinin baş direktoru vəzifəsində işləyib. Əvvəllər İqtisadi İnkişaf Nazirliyi yanında Dövlət Əmlakının İdarə Olunması və Özəlləşdirilməsi Departamentində (sonradan Dövlət Əmlak Komitəsi) hüquq şöbəsinin müdiri vəzifəsində çalışıb, Heydər Babayev sözügedən nazirliyə təyin olunduqdan sonra Əli Abdullayev Auksion Mərkəzinə rəhbər təyin olunub.
Əli Abdullayevin şəriki HƏCƏR CƏFƏROVA VAQİF qızı da 2001-2011-ci illərdə İqtisadi İnkişaf Nazirliyində ümumi işlər və kadr məsələləri üzrə şöbənin rəisi olub. Çexiyadakı şirkətdə ortaqların hər biri 50 faiz paya malikdir.
Hazırda Medilayn Estetik Mərkəzinə rəhbərlik edən Həcər Cəfərova 2006-cı ildə təsis edilmiş "MEDEKSPRESS", 2007-ci ildə qeydiyyatdan keçmiş "MEDİLAYN", eləcə fə ötən il qeydiyyata alınmış "BEAUTYLAB" və "BİOSCİENCE MEDİCİNE" məhdud məsuliyyətli cəmiyyətlərinin də təsisçisidir.
