Bakı-Tbilisi-Qars dəmiryolunun relsləri oğurlandı
Gürcüstan DİN mətbuat xidmətinin məlumatına əsasən, Bakı-Tbilisi-Qars dəmiryolunun Marabda-Kartsaxi məntəqəsində relslərin oğurlanmasında ittiham edilən üç nəfər saxlanılıb.
Virtualaz.org mənbəyə istinadən xəbər verir ki, cinayət əməli noyabrın 21-də Ninotsminda şəhərinin (Samtsxe-Cavaxeti regionu) yaxınlığında baş verib, lakin bu barədə yalnız bu gün məlumat verilib.
Saxlanılanların hamısı “Demiriol serviz” şirkətinin əməkdaşlarıdır. Marabda-Kartsaxi məntəqəsində dəmiryol relsləri məhz bu şirkətə məxsusdur.
Oğurlanmış relslər cinayəti sübut edən dəlil kimi götürülüb. Saxlanılanlar barəsində cinayət işi qaldırılıb.
Qeyd edək ki, Gürcüstanın Samtsxe-Cavaxeti regionu ermənilərin kompakt yaşadığı ərazidir.
