Zaqatalada gənc qadın öldü - 4 gün əvvəl toyu olubmuş

Zaqatalada gənc qadın öldü -

Zaqatalada 4 günün gəlini zəhərlənərək ölüb.

BakuPost-un APA-ya istinadəm verdiyi məlumata görə, hadisə Suvagil kəndində qeydə alınıb.

Dörd gün əvvəl kəndə gəlin gələn, 1994-cü il təvəllüdlü Naimə Zahid qızı Eminovanın vəziyyəti qəfildən pisləşib, o, xəstəxanaya çatdırılıb. Həkimlərin səyinə baxmayaraq, N. Eminova xəstəxanada ölüb.

Zaqatala Rayon Mərkəzi Xəstəxanasından APA-nın yerli bürosuna bildirilib ki, N. Eminova xəstəxanaya daxil olarkən ona ilkin olaraq qida zəhərlənməsi diaqnozu qoyulub. Lakin ölümün səbəblərini müəyyən etmək üçün tibbi ekspertiza təyin edilib.

Ekspertizanın rəyi açıqlandıqdan sonra ölümün dəqiq səbəbləri məlum olacaq.

Faktla bağlı Zaqatala rayon Prokurorluğu tərəfindən araşdırma aparılır.

Twitter Facebook Myspace Stumbleupon Technorati blogger google
82 dəfə oxundu
 


XƏBƏR LENTİ
Loading...