Yevlaxda fermanın keşikçisi güllələnərək qətlə yetirilib
Yevlax rayonunda silahlı insident nəticəsində 1 nəfər qətlə yetirilib. "Report"un məlumatına görə, hadisə rayonun Ərəbbəsrə kəndində qeydə alınıb.
Belə ki, kənd ərazisində yerləşən fermaların birində keşikçi işləyən, 1960-cı il təvəllüdlü Bəylər Tahir oğlu Qafarov işdə olan zaman naməlum şəxs və ya şəxslər tərəfindən odlu silahdan açılan atəş nəticəsində ölüb.
Qətlə yetirilmiş şəxs əvvəllər məhkumluq həyatı yaşayıb.
Faktla bağlı araşdırma aparılır.
