Gəncədə sərxoş kişi evini yandırdı
Gəncədə yanğın hadisəsi baş verib.
Virtualaz.org-un məlumatına görə, hadisə şəhərin İsmət Qayıbov küçəsi, ev 5 ünvanında qeydə alınıb.
Yanğını söndürmək üçün əraziyə Gəncə şəhər Yanğından Mühafizə İdarəsinin yanğınsöndürmə briqadaları cəlb olunub. Ümumi sahəsi 70 kvadratmetr olan birmərtəbəli 3 otaqlı evin yanar konstruksiyaları və əşyaları yanıb. Alovun qonşu tikililərə keçməsinin qarşısı alınıb.
Məlumata görə, yanğını ev sahibi, sərxoş vəziyyətdə olan Şahin Hüseynov törədib.
O da bildirilir ki, həmin şəxs bundan əvvəl də bir neçə dəfə sərxoş vəziyyətdə evində yanğın törədib.
