"İstəyirəm məhkəmə tez başa çatsın, mən də..." - Eldar Həsənov

"İstəyirəm məhkəmə tez başa çatsın, mən də..." -

Azərbaycanın Serbiya, Monteneqro, Bosniya və Herseqovinadakı sabiq fövqəladə və səlahiyyətli səfiri olmuş Eldar Həsənovun cinayət işi üzrə məhkəmə prosesi keçirilib.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Əfqan Hacıyevin sədrliyi ilə baş tutan prosesdə Eldar Həsənov məhkəməyə müraciət edib: "Möhtərəm hakim, istəyirəm məhkəmə tez başa çatsın, mən də cəzamı alım".

Hakim: "Eldar müəllim, hələ bilmirik siz cəza alacaqsınız ya yox".

Daha sonra Buxarestdəki parkın təmir və bərpası ilə bağlı ifadə verən Eldar Həsənov deyib ki, həmin parkın təmiri səfirlik tərəfindən həyata keçirilməyib: "Parkın təmirini aparan şirkəti şəhər meriyası seçib. Tikinti-bərpa işlərinə nəzarəti də XİN-in komissiyası edib. Təmir-tikintiyə şəhər meriyası baxıb. Ən əsası odur ki, abadlaşdırma aparan şirkətin təhvil-təslim aktı, meriyanın parkı təhvil götürməsi aktı yoxdur, amma müstəntiq burada yeyinti faktı aşkarlayıb. Hansı əsasla?"

Eldar Həsənov bildirib ki, səhhəti imkan vermədiyi üçün ikinci epizod üzrə ifadə verə bilmir.

Proses sentyabrın 24-də davam etdiriləcək.

İstintaq orqanı tərəfindən Eldar Həsənovun barəsində Cinayət Məcəlləsinin 179.3.2 (mənimsəmə və ya israfetmə, külli miqdarda törədildikdə), 193-1.3.2 (cinayət yolu ilə əldə edilmiş pul vəsaitlərini və ya digər əmlakı leqallaşdırma, külli miqdarda törədildikdə) 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) 308-1.1 (Dövlət büdcəsinin vəsaitindən təyinatı üzrə istifadə etməmə) və 313-cü (vəzifə saxtakarlığı) maddələri ilə ittiham elan olunub.

Qeyd edək ki, Eldar Həsənov 1995-2000-ci illərdə Azərbaycanın baş prokuroru olub.



Twitter Facebook Myspace Stumbleupon Technorati blogger google
804 dəfə oxundu
 



XƏBƏR LENTİ
Loading...