Gəncə Tibb Kollecində tender oyunu - 13 gün əvvəl yaranan şirkət 100 minlik tenderin qalibi oldu

Gəncə Tibb Kollecində tender oyunu -
Gəncə Tibb Kolleci tərəfindən keçirilən tender müsabiqəsinin (Kotirovka sorğusu) qalibi məlum olub.
Yeniavaz.com xəbər verir ki, tender müsabiqəsinin qalibi “Family 22 FN” MMC (VÖEN-1203218371) olub.
“Family 22 FN” MMC Gəncə Tibb Kollecinin sifarişi ilə bu quruma ofis avadanlıqları satacaq.
Qeyd olunan xidmətlərin həyata keçirilməsi üçün Gəncə Tibb Kolleci MMC-yə 23 min 260 manat ödəyəcək.
Qeyd edək ki, “Family 22 FN” MMC tender elanından bir ay əvvəl – 04.10.2022-ci il tarixində dövlət qeydiyyatına alınıb. Gəncə Tibb Kolleci isə müsabiqəni 11.11.2022-ci il tarxində elan edib.
Gəncə Tibb Kollecində tender oyunu -

Onu da bildirək ki, “Family 22 FN” MMC barədə açıq internet resurslarında heç bir məlumata rast gəlmək mümkün deyil. Cəmi bir ay əvvəl yaranan və 23 min manatlıq tenderin qalibi olan MMC Bakı şəhəri, Xəzər rayonu, Zirə ŞTQ, Bağ küçəsi, ev 2, m. 19 ünvanında qeydiyyatdadır. Nizamnamə kapitalı cəmi 10 manat olan MMC-nin qanuni təmsilçisi Abdinova Nərgiz İbad qızıdır.
Məlumat üçün bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır. Tender elanından cəmi bir ay əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətin müvafiq sahədə hansı təcrübəsinin ola biləcəyi başa düşülən deyil.
Onu da bildirək ki, tələb olunan sənədlər arasında 2021-ci il üçün MMC-nin maliyyə hesabatı da var. 2022-ci ildə dövlət qeydiyyatına alınan şirkətin 2021-ci il üçün maliyyə hesabatını necə təqdim etməsi isə müəmma olaraq qalır.
Bundan daha maraqlı məqam isə odur ki, “Family 22 FN” MMC dövlət qeydiyyatına alındıqdan cəmi 13 gün sonra Sumqayıt Dövlət Universitetinin elan etdiyi 95 min 303 manat 46 qəpiklik tenderin də qalibi olub.



Twitter Facebook Myspace Stumbleupon Technorati blogger google
542 dəfə oxundu
 



XƏBƏR LENTİ
Loading...