Azərbaycanda ərəb fırıldağı: Piramida şirkəti insanları necə aldadır?
Marja.az-ın məlumatına görə, fırıldaqçılar Azərbaycan üçün çox mühüm olan bu layihələrin adından istifadə edərək gəlir əldə edirlər. Guya "Masdar Energy" qazanc imkanları təklif edir. Belə ki, "Masdar Energy" şirkəti insanlardan "investisiya" cəlb edir, həmin vəsaitlər günəş və küləkdən elektrik enerjisi istehsalı layihələrinə "yatırılır" və əldə edilən mənfəətdən "investorlara" gəlir ödənilir.
Əslində "masdarenergy.net" domeni üzərindən piramida mexanizmi yaradılıb - layihəyə yeni qoşulanlardan əldə edilən pul əvvəl qoşulanlara qazanc olaraq ödənilir və məlumatsız insanlar şirnikləndirilir. Eyni zamanda, maliyyə piramidası fırıldaqçısının (bunlara sistemin adminləri deyilir) balansında da vəsait yığılır. Balansa yığılan vəsait hədəflənmiş səviyyəyə çatdıqdan sonra piramidanın admini sistemi söndürəcək və qazananlardan çox itirənlər olacaqdır.
Qeyd edək ki, "Masdar Energy" fırıldağı Azərbaycan hökumətinin rəsmilərinin “Masdar” şirkətilə müqavilələr imzalanan zaman çəkilmiş fotoları ilə təqdim olunur. Bu fotlar "qurbanlara" göstərilərək layihənin dövlət səviyyəsində bir layihə olduğu təəssüratı yaradılır.
Fırıldaq mexanizm ilə 3 paket təqdim edilir: "VİP 1", "VİP 2" və "VİP 3". Paketlərin qiymətləri müvafiq olaraq 5 AZN, 50 AZN və 150 AZN-dir.
Qaydalara görə, 15 manat yatırım ilə 1 həftədə 4 manat, 50 manat yatırım ilə 15 manat, 150 manat yatırım ilə 50 manat gəlir əldə etmək mümkündür.
"Telegram"da "İnvestisiya" adı altında qruplar yaradılaraq "Masdar Energy" piramidası daxil olmaqla bir çox piramidalar reklam edilir. Hazırda məşhurlaşmış fırıldaqçılıq üsullarından biri də "İnst Power"dir. Bu pramidaya görə, "İnstower" adlı şirkət cəlb etdiyi yatırımları "Power bank" istehsalı və "paylaşılması" biznesinə yönəldir və əldə etdiyi gəlirdən "sərmayəçilərə" mənfəət ödəyir. Verilən məlumatlara görə, "İnst Power" pramidası artıq "doyub", ən qısa müddətdə piramidanın adminlərinin sistemi söndürərək "qeybə çəkiləcəkləri" gözlənilir.
Həmçinin, "Youtube" platformasında kanallar yaradılaraq bu piramidalar geniş reklam edilirlər. Platformaya yüklənən videolarda bu piramidalara qoşulmaq, "yatrım etmək" və pulu çıxartmaq yolları öyərdilir.
Qeyd edək ki, maliyyə pramidası fırıldaqçıları insanlarda dövlət qurumlarına qarşı inanmsızlıq da yaratmış ola bilərlər. Məsələn, iddia olunur ki, "bu piramidalar Bakının polisi tərəfindən yoxlanılıb, onlar bu biznesdən razı qalıblar və fəaliyyətlərinə icazə veriblər".
Ümid edirik ki, müvafiq rəsmi qurumlar vətəndaşların vəsaitlərini ələ keçirən və dövlətə qarşı inamsızlıq yaradan bu fırıldaqçıları tezliklə ifşa edəcək və cazalandıracaqdır.
